الرئيسية / شكون حنا

7 سنين ف الصين.
سنتين ف المغرب.

خدمنا أكثر من 7 سنين ف الصين، وسط المعامل والموانئ. ومن سنتين جبنا هاد الخبرة للمغرب. TGL Global بدات بفكرة وحدة: الاستيراد خاصو يكون واضح. ثمن معروف من الأول، شخص واحد كيتبع الملف، والكليان كيشوف السلعة ديالو قبل ما توصل.

المكتب ديال TGL Global ف كازا
المكتب ديال TGL Global ف زنقة ليبورن، الدار البيضاء.كازا
القصة ديالنا

كيفاش بدينا

قبل ما نفتحو ف المغرب، دوزنا أكثر من 7 سنين خدامين ف الصين. وكنا كنشوفو بزاف ديال التجار المغاربة كيخسرو الفلوس ف الاستيراد: موردين ما كيجاوبوش، سلعة ما بحالش العينة، وديوانة كتطلع ملي توصل السلعة.

ف الصين تعلمنا الطريق كاملة: كيفاش تختار المعمل، كيفاش تفاوض، كيفاش تفتش السلعة، وكيفاش تشحنها بلا مشاكل. كل نهار كنا وسط المعامل، الموردين وشركات الشحن.

من سنتين ولات TGL Global خدامة ف كازا. اليوم كنخدمو مع تجار، شركات صغيرة وكبيرة، ومع ناس كيستوردو أول مرة. من كرطونة وحدة حتى لكونتونير، ومن قطع الغيار حتى للماكينات.

الطريقة ديالنا بسيطة: كنهضرو بالواضح، كنصيفطو الصور ف كل مرحلة، وما كنقولوش "إن شاء الله غدا" بلا ما نعرفو.

المحطات

من الفكرة حتى لليوم

+7 سنين

الخدمة ف الصين

المعامل، الموردين والموانئ. تعلمنا السوق الصيني من الداخل.

سنتين

TGL Global ف المغرب

بدينا نخدمو مع الكليان المغاربة، والشركة مسجلة ف الدار البيضاء (SARL AU).

كازا

المكتب ف زنقة ليبورن

مكتب تقدر تجي ليه وتهضر معانا وجها لوجه.

اليوم

سلع من كل نوع

أثاث، إلكترونيك، قطع الغيار، مواد البناء، ماكينات البني والفلاحة، وطوموبيلات.

علاش الكليان كيعاودو

3 حوايج ما كنتفاهموش عليهم

🔎

الوضوح

الثمن، الديوانة والمدة مكتوبين من الأول. إلا تبدل شي حاجة، كتعرفها قبل.

📸

كتشوف بعينيك

صور وفيديوهات ف كل مرحلة: المعمل، التفتيش، الشحن.

🤝

شخص واحد مسؤول

ما كتدورش بين خمسة د الناس. واحد كيعرف الملف ديالك من الأول حتى للخر.

بغيتي تعرفنا أكثر؟

دوز للمكتب ف كازا، ولا صيفط لينا ف واتساب.