1. المسؤول على المعطيات
المسؤول على معالجة المعطيات هو TGL Global SARL AU، الكائن مقرها ف 70 زنقة ليبورن، زاوية شارع المقاومة، الطابق 5 رقم 16، الدار البيضاء 20002. للتواصل: contact.tglglobal@gmail.com · +212 6 25 29 49 17.
2. المعطيات اللي كنجمعو
- ملي كتعمر الفورم: السمية ولا الشركة، الهاتف، الإيميل (اختياري)، المنتوج، البلاد، الكمية، والرسالة ديالك.
- ملي كتهضر معانا ف واتساب: الرقم ديالك والرسائل والتصاور اللي كتصيفط.
- ملي كتخدم معانا: المعلومات اللازمة للشحن والديوانة (الفاتورة، ICE ديال الشركة، عنوان التوصيل…).
ما كنجمعوش معطيات حساسة، وما كنطلبوش رقم البطاقة الوطنية من السيت.
3. علاش كنستعملوها
- نجاوبو على الطلب ديالك ونوجدو ليك العرض.
- نتبعو الملف ديالك: الشراء، الشحن، الديوانة والتوصيل.
- الفواتير والالتزامات القانونية والمحاسبية.
- نصيفطو ليك العروض والجديد، غير إلا وافقتي على هادشي.
4. الأساس القانوني والموافقة
كنعالجو المعطيات ديالك على أساس الموافقة ديالك (الخانة ف الفورم)، وعلى أساس تنفيذ الخدمة اللي طلبتي، والالتزامات القانونية ديالنا. الخانات اللي عليهم * ضروريين باش نقدرو نجاوبوك. بلا بيهم ما نقدروش نوجدو العرض.
5. شكون كيوصل ليها
غير الفريق ديال TGL Global اللي كيتبع الملف ديالك. وحسب الحاجة: الشركاء ديالنا ف الشحن والتخليص الجمركي، والمعامل ف الصين (غير المعلومات اللازمة للطلبية)، والإدارات (الديوانة) ملي كيفرض القانون هادشي. ما كنبيعوش المعطيات ديالك لحتى واحد.
6. النقل لبرا المغرب
شي أدوات اللي كنستعملو (الإيميل، الهوستينغ ديال السيت، واتساب) ممكن يخزنو المعطيات ف سيرفورات برا المغرب. وطلبيات الصين كتطلب نصيفطو معلومات ديال التوصيل للشركاء ديالنا تما. هاد النقل كيتدار طبقا للمادة 43 و44 من القانون 09-08.
7. شحال كنحتافظو بيها
| النوع | المدة |
|---|---|
| طلبات العروض اللي ما تكملوش | 3 سنين من آخر تواصل |
| ملفات الكليان والفواتير | المدة اللي كيفرض القانون التجاري والضريبي (عادة 10 سنين) |
| اختيار الكوكيز | 6 شهور على الأكثر |
8. الحقوق ديالك
طبقا للقانون 09-08، عندك الحق:
- تشوف المعطيات اللي عندنا عليك (المادة 7).
- تصحح ولا تمسح المعطيات (المادة 8).
- تعارض على المعالجة، وتعارض بلا ما تخلص على الإشهار والعروض (المادة 9).
- ترجع ف الموافقة ديالك ف أي وقت.
صيفط الطلب ديالك لـ contact.tglglobal@gmail.com. كنجاوبوك ف أقرب وقت. وإلا ما عجبكش الجواب، تقدر تشكي عند CNDP: www.cndp.ma.
9. الكوكيز
كنستعملو Meta Pixel (فيسبوك) باش نعرفو شحال من واحد جا من الإعلانات ديالنا وصيفط طلب. هاد الأداة ما كتخدمش حتى توافق عليها ف الشريط ديال الكوكيز، و Meta كتعالج هاد المعطيات ف سيرفورات برا المغرب. إلا رفضتي، السيت كيخدم عادي. تقدر تبدل الاختيار ديالك ف أي وقت من الرابط "الكوكيز" لتحت ف السيت، والاختيار كيتحفظ 6 شهور على الأكثر. الخريطة ف صفحة التواصل كتجي من Google Maps، وGoogle ممكن يستعمل الكوكيز ديالو ملي كتبان.
10. الحماية
السيت كيخدم بـ HTTPS، والوصول للطلبات محدود للفريق اللي محتاجهم.
11. التغييرات
ممكن نبدلو هاد الصفحة. التاريخ ديال آخر تحديث مكتوب الفوق.